經過左今日之後，真係覺得自己變有耐性左。。。。
今日係喜茶第一日登陸香港開店，而我都因爲有人陪所以去左沙田新城市廣場排隊。早上9：45到左4樓，就發現成半層樓都係人，目測都有300人，8成都係年輕人，喜茶果然有好多年輕粉絲。。。。
就係因爲我放假，就係因爲商場店鋪未開門，就係因爲我地吾想一黎到就走，所以我地選擇左排隊，而今日既噩夢，就由我選擇排隊開始。。。。
一開始，我地排左半個鐘之後，就打算離開呢到，放棄排隊，因爲見條隊吾點向前行。點知，就係呢個時候，條隊突然快速向前行左兩米，以爲開左舖，所以開始散人，我地就以爲有希望，繼續傻下傻下排隊，點知，後來先發現係因爲D職員叫D人兩個兩個禁企，所以行前左，但個時我地已經由核心既外圍走到核心既内圍。。。
然後個個經過都影呢個壯觀既奇景，有D人選擇係前面影、後面影、上面個層影落黎、下面個層影上黎，頓時真係覺得自己好似有人影我3D相禁，感到無比既光榮與自豪（反話）
就係因爲D假希望不斷既出現，我地就禁止排左4個鐘先去到收銀既地方。。。
****************************************
店既裝修主要以文青簡潔既風格，天花采用反光物料，用環保技術增加店内既光度。店内有好多凳同桌子，仲有影相位，環境算係幾大，不過因爲急住去食午餐（3點都仲係喜茶等杯野）所以就無影到。。。。。
最後我買左一杯芝芝莓莓同埋一杯布蕾波波奶茶，我同我朋友分開各買兩杯一樣既，所以最後都只係用左HKD37就買到兩杯啦，仲要因爲係300名内，所以有個福袋送。
左邊為芝芝莓莓（一點糖），右邊就係布蕾波波奶茶（半糖，走冰）
一共有兩款福袋可以選，呢個係其中一款。裏面有貼紙同一個鷄蛋仔圖案既鑰匙扣，個袋表面係紅白藍膠袋既質量，但裏面就有兩層布，所以都幾厚下
依加剛開業，做買一送一優惠到26號，不過其實喜茶係香港賣既價錢比起大陸貴，就好似係芝芝莓莓，大陸賣HKD34，但香港就賣HKD47。。。
*********************************************
試飲完呢兩杯，我個人覺得布蕾波波奶茶幾好飲，面係有D咸咸地，cream味既布蕾，我個人覺得呢個味道普通。然後奶茶就係奶味同茶味都有，吾似係奶粉或者奶精冲既，味道幾好，不過就係無茶既苦味。珍珠係比較軟，但有好重既黑糖味道，我個人覺得幾香同埋幾甜。
而芝芝莓莓面頭個D芝士奶蓋係係輕芝士，都係咸咸地，不過幾香。裏面既草莓係真係見住D職員原粒打碎再放入去，真材實料！！不過就有好多冰沙，飲落去好凍。。。而且感覺好似稀稀地。。。。
*********************************************
整體黎講，我都係覺得排太久，店内有D混亂，出產品既次序唔係跟單號出，等左一個鐘先有（提議可以效法M記做法，有電腦顯示單既產品給職員望）。。。。但真心真材實料，員工服務態度好nice，有耐性，好勤力係禁做。
沒有留言:
發佈留言